Les mots surlignés font l'objet d'une note
1Monseigneur, je vous escriptz dernierement par le cappitaine Marc
2et despuys n’ey entendu autres nouvelles de
3Piedmont, s’il n’est que en Ast et Allexandrie s’assamblent
4afforce compaignies italiennes et y sont arrivez
5mil ou douze cens bisongues bien mal en ordre
6sellon le rapport de ceulx qui les ont veuz. L’on
7y en actend encores d’autres. Ilz y sont aussi
8arrivez cinq ou six cens chevaulx bien en ordre
9et l’on dit que la pluspart de la cavallerie
10de Naples marche en ça. Mercredy de
11l’autre sepmaine feust faicte grande
12solempnité en Ast avec feuz de joye et
13tant d’artillerie qu’il sembloit qu’ilz ayent
14gaigné quelque grande bataille et n’ey peu
15scavoir pourquoy, s’il n’est que ce feust pour
16le recouvrement de Vallenciennes ou bien
17pour certaine faction que le sieur Don Juan
18d’Austrie et les Venetiens ont faict,
19de quoy l’on me doibt mander les particuliarités
20de Thurin, que je vous ferey incontinent tenir
21si c’est chose que merite encores que les
22pourrés avoir plustost d’ailleurs.
23Monseigneur de Savoye faict charrier afforce
24boys et fassines dans la citadelle,
25[v°] mais autrement ne faict semblant de rien.
26Vous suppliant au reste, monseigneur, nous fère
27encor ce bien de nous fère avancer ce cartier
28car nous soldatz n’en peuvent plus
29et s’en recomandent très humblement à votre Seigneurie.
30S’il est de besoing, le présent porteur en baillera
31mon obligation à monsieur le trésorier si les
32lettres ne sont esté rapportez de la court
33signez de monsieur le trésorier de l’espargne.
34Encore priant le Créateur
35Monseigneur, vous voulloir donner en bonne santé
36très longue et très heureuse vie. D’Ors, ce penultiesme juing 1572
37Vostre très humble et très obeyssant serviteur.
38La Casette
39Le seigneur Ludovic actend le retour
40du gentilhomme qu’il a mandé à Milan
41au lieutenant du roy d’Espaigne pour
42scavoir si nous aurons paix ou guerre.
43Pour le moingz, je me porte bien, Dieu
44mercy, causant ma diette pour
45vous fère très humble servi[c]e,
46vous suppliant ne m’oblier s’il vient
47quelque chose.
4849